Paputok

Sa pagsapit ng Pasko o Bagong Taon likas na sa ating mga Pinoy ang salubungin ito sa pamamagitan ng pagpapaputok at ibat ibang klase ng pailaw.

Ang iba ay bumibili na kahit na malayo pa ang Pasko at Bagong Taon sa paniniwalang nagbibigay ito ng swerte at kasaganaan at nakakapagtanggal ng mga malas dahil sa naidudulot nitong ingay na nakakapagpataboy daw ng masamang espirito. Di natin alam na may masama rin itong naidudulot. Unang una na dito ay ang mga naaksidente dahil sa mga paputok na nagreresulta minsan sa pagkawala ng buhay at ari arian dahil sa mga sunog.

Maiiwasan sana ito kung sasanayin ng mga tao ang kanilang sarili na gamitin ang mga paputok at pailaw sa wastong paraan ang mga nasabing bagay dahil di maitatanggi na nakakapagdulot ito ng kakaibang saya sa mga taong nakakasaksi nito.